Thursday, 4 May 2017

ಸೆಳೆತ

ಪ್ರೀತಿ ಪ್ರೇಮ ಬರಿಯ ಕಾಲಹರಣ
ಅಸಮಂಜಸದ ಬರಿಯ ಭಾವ ಪಯಣ
ಎಂಬ ದೃಢ ನಿಶ್ಚಯದಿ ಸಾಗಿದರೂ
ಹಾದಿಯಲಿ ಸಾಗಿಹ ತೆಳು ನಡು ಕನ್ಯೆಯ ಕಂಡು
ಹೃದಯದಿ ಬಡಿತ ಹೆಚ್ಚಿಹುದು...

ಆದ್ಯಾವ ನೋಟವೋ ಮೋಡಿಯ ಮಾಡಿಹುದು
ಅದ್ಯಾವ ಮಂತ್ರವೋ ನನ್ನಯ ಸೆಳೆದಿಹುದು
ಅವಳ ಗುಳಿಕೆನ್ನೆಯ ಸುಳಿಯಲಿ ತಿರು ತಿರುಗಿ
ಮುಂಗುರುಳ ಜೋಲಿಯಲಿ ಜಿಗಿ ಜಿಗಿದು
ಮನಸು ಉಯ್ಯಾಲೆಯಾಗಿ ಮೀಟುತಿಹದು...

ಪೃಥುವಿ ದ್ರುವಗಳಾಕರ್ಷಣೆ ಸೊರಗಿಹುದು
ಹೆಣ್ಣೆಂಬ ಸಹಜ ಆಕರ್ಷಣೆಯಲಿ
ಗಂಡು ಹೆಣ್ಣೆಂಬ ನಿಸರ್ಗ ನಿಯಮದಲಿ
ಪ್ರಕೃತಿ ಪುರುಷ ಸೋತಿಹನು
ಸಹಜ ಸ್ತ್ರೀಯ ಸೆಳೆತದಲಿ ...

No comments:

Post a Comment