Sunday, 11 September 2016

ಮುಗ್ಧರು (poem)

Lovely children.....poem

ಮುಗ್ಧರು

ಪಾಠಿ ಚೀಲ ಹೊತ್ತು
ಸಾಲಿಗೆ ಹೊರಟ ಮಕ್ಕಳು
ಬೆನ್ನ ಹಿಂದೆ ಹೊತ್ತಿದ್ದು ಹೊತ್ತಿಗೆಯಲ್ಲ
ಕನಸಿನ ಮೂಟೆಗಳು....

ವಾಹನಗಳ ಮದ್ಯೆ ಪರದಾಡಿ
ಅವಸರದಿ ಹೆಜ್ಜೆಹಾಕಿ
ಗಣಿತದ ನಡುವೆ ಕಂಗೆಟ್ಟು
ಎಲ್ಲೋ ಕಳೆದು ಹೋಗುವರು...

ವಾತ್ಸಲ್ಯ ತೋರದ ಹೆತ್ತವರು
ಅನ್ಯರ ಪ್ರೀತಿಯ ಬೇಡುವ ಮುಗ್ದರು
ಬಯಸಿದ್ದೆಲ್ಲಾ ಪಡೆವ ಶ್ರೀಮಂತರು
ಪ್ರೀತಿಯಲಿ ಕಡು ಬಡವರು...

ಹೆತ್ತವರ ಪ್ರತಿಷ್ಟೆಯ ಜಗಳಗಳು
ದೊಡ್ಡತನದ ಅಹಂಭಾವಗಳು
ಮುದ್ದು ಕಂದಮ್ಮಗಳ ಲೆಕ್ಕಸದೆ
ವಿಚ್ಛೇದನದ ತೀರ್ಮಾನಗಳು....

ಅರಳುವ ಹೂಗಳ ಚಿವುಟುವ
ಅಧಿಕಾರ ಕೊಟ್ಟವರಾರು...?
ಯಾರದೋ ತಪ್ಪಿಗೆ
ಇನ್ನಾರಿಗೋ ಶಿಕ್ಷೆ...

                            - ಪ್ರಕಾಶ್ ಎನ್ ಜಿಂಗಾಡೆ

No comments:

Post a Comment